(+85621) 739011 | This email address is being protected from spambots. You need JavaScript enabled to view it.   |    MINISTRY OF TECHNOLOGY

banner

ໃນຕອນເຊົ້າຂອງວັນທີ 9 ທັນວາ 2016 ນີ້, ໄດ້ມີພິທີ ມອບ-ຮັບ "ຫ້ອງທົດລອງເຕັກໂນໂລຊີພະລັງ ງານທາງ
ເລືອກທີ່ສະອາດ" ຂຶ້ນຢູ່ສະຖາບັນພະລັງງານທົດແທນ ແລະ ວັດສະດຸໃໝ່, ກະຊວງວິທະຍາສາດ ແລະ ເຕັກໂນໂລຊີ ນະຄອນຫຼວງ ວຽງຈັນ, ສປປ ລາວ ລະຫວ່າງ ກະຊວງວິທະຍາສາດ ແລະ ເຕັກໂນໂລຊີ ສປປ ລາວ ແລະ ກະຊວງວິທະຍາສາດ ແລະ ເຕັກໂນໂລຊີ ສສ ຫວຽດ ນາມ. ຊຶ່ງຕາງໜ້າຝ່າຍ ສສ ຫວຽດນາມ ມອບໂດຍ ທ່ານ ສຈ. ປອ. ວີ ດິ່ງ ລາມ, ຮອງຫົວໜ້າສະຖາບັນວັດສະດຸສາດ, ສະພາບັນ ດິດວິທະຍາສາດ ແລະ ເຕັກໂນໂລຊີ ແຫ່ງ ສສ ຫວຽດນາມ ແລະ ຕາງໜ້າຮັບຝ່າຍ ສປປ ລາວ ແມ່ນ ທ່ານ ບຸນຈັນ ດວງວິໄລ, ຮອງຫົວໜ້າສະຖາບັນພະລັງງານທົດແທນ ແລະ ວັດສະດຸໃໝ່, ກະຊວງວິທະຍາສາດ ແລະ ເຕັກໂນໂລຊີ ແຫ່ງ ສປປ ລາວ ໂດຍ ການໃຫ້ກຽດເຂົ້າຮ່ວມເປັນສັກຂິພິຍານຂອງ ທ່ານ ຈູ ຫງອກ ແອັງ, ກຳມະການສູນກາງພັກ, ລັດຖະມົນຕີກະຊວງວິທະຍາສາດ ແລະ ເຕັກໂນໂລຊີ ແຫ່ງ ສສ ຫວຽດນາມ, ທ່ານ ເຈິນ ດິ່ງ ບາ, ອັກຄະລັດ ຖະທູດທີ່ປຶກສາ ສສ ຫວຽດນາມ ປະຈໍາລາວ, ທ່ານ ບັນດິດ ສຈ. ບໍ່ວຽງຄຳ ວົງດາລາ, ກຳມະການສູນກາງພັກ, ລັດຖະມົນຕີກະຊວງວິທະຍາສາດ ແລະ ເຕັກໂນໂລຊີ ແຫ່ງ ສປປ ລາວ, ມີ ບັນດາທ່ານຮອງລັດຖະມົນຕີ ກວຕ, ບັນດາຫົວໜ້າ ຫ້ອງການ, ກົມ, ສະຖາບັນ ອ້ອມຂ້າງກະຊວງເຂົ້າຮ່ວມ.

ໃນໂອກາດດັ່ງກ່າວ, ທ່ານ ບຸນຈັນ ດວງວິໄລ, ຮອງຫົວໜ້າສະຖາບັນພະລັງງານທົດແທນ ແລະ ວັດສະດຸໃໝ່, ກະຊວງວິທະຍາສາດ ແລະ ເຕັກໂນໂລຊີ ໄດ້ກ່າວວ່າ: ເພື່ອປະບັດຕາມສົນທີສັນຍາ ໂຄງການຮ່ວມມື ທາງດ້ານວິທະຍາສາດ ແລະ ເຕັກໂນໂລຊີ ລາວ-ຫວຽດນາມ, ສະຖາບັນວັດສະດຸສາດ ໄດ້ຮັບການມອບ ໝາຍຈາກ ກະຊວງວິທະຍາສາດ ແລະ ເຕັກໂນ ໂລຊີ ແຫ່ງ ສສ ຫວຽດນາມ ຮ່ວມມື ສ້າງຫ້ອງທົດລອງ ເຕັກໂນໂລຊີພະລັງງານທາງເລືອກທີ່ສະອາດ ກັບ ສະຖາບັນ ພະລັງງານທົດແທນ ແລະ ວັດສະດຸໃໝ່, ກະຊວງວິທະຍາສາດ ແລະ ເຕັກໂນໂລຊີ ສປປ ລາວ ຊຶ່ງໄດ້ມີການຮ່ວມເຊັນບົດບັນທຶກຄວາມເຂົ້າໃຈ ໃນຄັ້ງວັນທີ 23 ພຶດສາພາ 2013 ເປັນຕົ້ນມາ ແລະ ໄດ້ເລີ່ມຈັດຕັ້ງປະຕິບັດແຕ່ເດືອນ ມິຖຸນາ 2014 ເຖິງ ເດືອນ ທັນວາ 2016. ຊຶ່ງໃນນັ້ນ ຝ່າຍຫວຽດນາມ ແມ່ນສະເໜີໃຫ້ຝ່າຍລາວ ກະກຽມສະຖານທີ່ຫ້ອງທົດລອງ ແລະ ຝ່າຍຫວຽດນາມ ເປັນຜູ້ສະໜອງອຸປະກອນຫ້ອງທົດລອງ ເພື່ອ ປະກອບເຂົ້າໃນຫ້ອງທົດລອງ ໃຫ້ແກ່ຝ່າຍລາວ.

ມາເຖິງປັດຈຸບັນ, ການປະຕິບັດການຮ່ວມມື ໃນການສ້າງຫ້ອງທົດລອງເຕັກໂນໂລຊີພະລັງງານທາງເລືອກທີ່ສະອາດ ລະຫວ່າງ ສອງຝ່າຍ ສໍາເລັດແລ້ວ ຕາມບົດບັນທຶກຄວາມເຂົ້າ ໃຈທີ່ໄດ້ເຊັນກັນໃນເບື້ອງຕົ້ນ ໃນນັ້ນ ລັດຖະບານ ສປປ ລາວ ໄດ້ອະນຸມັດງົບປະມານ ເພື່ອກໍ່ສ້າງຫ້ອງທົດລອງດັ່ງກ່າວ ມູນຄ່າ 788 ລ້ານ ກວ່າ ດົງ ແລະ ຝ່າຍ ສສ ຫວຽດນາມ ໄດ້ສົມ ທົບງົບປະມານເພື່ອຈັດຕັ້ງປະຕິບັດໂຄງການຮ່ວມມືກັນ ຊຶ່ງມູນຄ່າລວມຂອງໂຄງການຮ່ວມມື ລະຫວ່າງ ສອງຝ່າຍແມ່ນ 7,4 ຕື້ດົງ ແລະ ມູນຄ່າຊື້ອຸປະກອນເຄື່ອງມື ເພື່ອສະໜອງເຂົ້າໃນ ຫ້ອງທົດລອງ ຂອງ ສະຖາບັນ ຈໍານວນ 30 ລາຍການ ລວມມູນຄ່າ 6 ຕື້ດົງ.

ທ່ານກ່າວຕື່ມວ່າ: ທັງສອງຝ່າຍຍັງໄດ້ໃຫ້ຄວາມສໍາຄັນຕໍ່ການຊ່ວຍສ້າງພັດທະນາຊັບພະຍາກອນມະນຸດ ໃນໄລຍະສັ້ນ ແລະ ໄລຍະຍາວ ໃນນັ້ນ ທາງຝ່າຍ ຫວຽດນາມ ແມ່ນໄດ້ເຫັນດີໃຫ້ການຊ່ວຍເຫຼືອ ຮັບພະນັກງານວິຊາການຂອງລາວ ຈໍານວນ 4ຄົນ ໄປຝຶກອົບຮົມ ເປັນເວລາ 1 ເດືອນ ໃນການນໍາໃຊ້ອຸປະກອນຫ້ອງ ທົດລອງ ທີ່ທາງຝ່າຍຫວຽດນາມ ຈະສະໜອງໃຫ້. ນອກຈາກນີ້ ທາງຝ່າຍລາວ ຍັງໄດ້ສະເໜີໄປຍັງຝ່າຍຫວຽດນາມ ໃນການກໍ່ສ້າງຊັບພະຍາກອນ ມະນຸດໃນໄລຍະຍາວ ຈໍານວນ 4 ທຶນ ຄື: ປະລິນຍາໂທ 2 ທຶນ ແລະ ປະລິນຍາເອກ 2 ທຶນ ເພື່ອຮັບຜິດຊອບ ໃນການສຶກສາ-ຄົ້ນຄວ້າ ພາຍໃນຫ້ອງທົດລອງ.

ຫ້ອງທົດລອງດັ່ງກ່າວ ບໍ່ພຽງແຕ່ ເປັນຫ້ອງທົດລອງຄົ້ນຄວ້າວິຊາການພາຍໃນສະຖາບັນເທົ່ານັ້ນ, ທາງສະຖາບັນຍັງຈະໄດ້ ວາງແຜນຮ່ວມກັນຄົ້ນຄວ້າກັບ ບັນດາສະຖາບັນທີ່ກ່ຽວຂ້ອງ ເຊັ່ນ: ຄະນະວິສະ ວະກໍາສາດ ແລະ ຄະນະວິທະຍາສາດ ທໍາມະຊາດ ຂອງ ມະຫາວິທະຍາໄລ ແຫ່ງຊາດ ອີກດ້ວຍ.

1.ຂາວ ມອບ ຮບ ຫອງທດລອງ
 
4.ຂາວ ມອບ ຮບ ຫອງທດລອງ

5.ຂາວ ມອບ ຮບ ຫອງທດລອງ

6.ຂາວ ມອບ ຮບ ຫອງທດລອງ

 7.ຂາວ ມອບ ຮບ ຫອງທດລອງ  8.ຂາວ ມອບ ຮບ ຫອງທດລອງ
Pin It

Latest News