(+85621) 739011 | This email address is being protected from spambots. You need JavaScript enabled to view it.   |    MINISTRY OF TECHNOLOGY

banner

ໜ່ວຍຊາວໜຸ່ມຮາກຖານ, ສະຖາບັນພະລັງງານທົດ ແທນ ແລະ ວັດສະດຸໃໝ່ (ສພວ), ກະຊວງວິທະ ຍາສາດ
ແລະ ເຕັກໂນໂລຊີ (ກວຕ) ໄດ້ຈັດພິທີຮັບສະມາຊິກຊາວໜຸ່ມໃໝ່ ຂຶ້ນໃນວັນທີ່ 2 ກໍລະກົດ 2015 ທີ່ຫ້ອງ ປະຊຸມຂອງ ກວຕໂດຍການເປັນປະທານຂອງ ສະຫາຍ ແກ້ວອຸທອນ ລຸນແສງຈັນ, ຮອງເລຂາຄະນະບໍລິຫານ ງານຊາວໜຸ່ມ ປະຊາຊົນປະຕິວັດລາວ, ກວຕ.

ເຂົ້າຮ່ວມມີ ສະຫາຍ ບຸນຈັນ ດວງວິໄລ, ຮອງເລຂາໜ່ວຍພັກຮາກຖານ, ສະຖາບັນພະລັງງານທົດ ແທນ ແລະ ວັດສະດຸໃໝ່; ສະຫາຍ ໄຊບັນດິດ ແສງພະທິດ, ເລຂາໜ່ວຍຊາວໜຸ່ມຮາກຖານ ສະຖາບັນພະລັງ ງານທົດແທນ ແລະ ວັດສະດຸໃໝ່, ບັນດາຜູ້ຕາງໜ້າໜ່ວຍຊາວໜຸ່ມຮາກຖານ ຊຶ່ງມາຈາກ ຫ້ອງການ, ກົມ, ສະຖາບັນ, ສາມອົງການຈັດຕັ້ງມະຫາຊົນ ແລະ ພະນັກງານວິຊາການ ທີ່ກ່ຽວຂ້ອງພາຍໃນກະຊວງຈຳນວນ 30 ກວ່າ ສະຫາຍ.

ໃນໂອກາດນີ້, ສະຫາຍໄຊບັນດິດແສງພະທິດ,ເລຂາໜ່ວຍຊາວໜຸ່ມຮາກຖານ, ສະຖາບັນພະລັງງານ ທົດແທນ ແລະ ວັດສະດຸໃໝ່,ຂຶ້ນຜ່ານຂໍ້ຕົກລົງ ຂອງຄະນະບໍລິຫານງານຊາວໜຸ່ມປະຊາຊົນປະຕິວັດລາວ, ດ້ວຍການຮັບຮອງເອົາມະຫາຊົນກ້າວໜ້າ ເຂົ້າເປັນສະມາ ຊິກຊາວໜຸ່ມໃໝ່ ຈຳນວນ 2 ສະຫາຍຊຶ່ງເປັນຜູ້ທີ່ມີຜົນງານດີເດັ່ນ, ມີຄວາມຫ້າວຫັນປະຕິບັດຕາມແນວທາງນະໂຍບາຍຂອງພັກ-ລັດ, ຝຶກຝົນຫຼໍ່ຫຼອມຕົນເອງຢູ່ສະເໝີ ແລະ ໄດ້ປະກອບສ່ວນຢ່າງຕັ້ງໜ້າເຂົ້າໃນວຽກງານ, ກິດຈະກຳພາຍໃນໜ່ວຍ ກໍຄື ກະຊວງໄດ້ເປັນຢ່າງດີ.

ໂອກາດດຽວກັນນີ້: ສະຫາຍ ແກ້ວອຸທອນ ລຸນແສງຈັນ, ຮອງເລຂາຄະນະບໍລິຫານງານຊາວໜຸ່ມ ປະຊາຊົນປະຕິວັດລາວ, ກວຕ, ໄດ້ໃຫ້ກຽດໂອ້ລົມ ແລະ ໃຫ້ຄຳໂອວາດ ຊຶ່ງສະຫາຍໄດ້ສະແດງຄວາມຊົມເຊີຍ ແລະ ຍິນດີຮັບເອົາທັງສອງສະຫາຍ ເຂົ້າເປັນສະມາຊິກໃໝ່ຢ່າງເປັນທາງການ. ສະຫາຍຮອງເລຂາຄະນະບໍລິ ຫານງານຊາວປະຊາຊົນປະຕິວັດລາວ ຍັງໄດ້ໃຫ້ຄຳເຫັນຕໍ່ກັບສະມາຊິກຊາວໜຸ່ມທັງໃໝ່ ແລະ ເກົ່າເຖິງ 9 ສິດໜ້າທີ່, 6 ພັນທະ ຂອງການເປັນຊາວໜຸ່ມທີ່ຕ້ອງໄດ້ ປະຕິບັດຢ່າງເຂັ້ມງວດ ແລະ ຮຽກຮ້ອງໃຫ້ພ້ອມກັນຕັ້ງໜ້າຈັດຕັ້ງປະຕິບັດເນື້ອໃນຂໍ້ແຂ່ງຂັນ 4 ບຸກໃຫ້ປະກົດຜົນເປັນຈິງ.

1.ໜວຍຊາວໜມຮາກຖານ 2.ໜວຍຊາວໜມຮາກຖານ
3.ໜວຍຊາວໜມຮາກຖານ 4.ໜວຍກຳມະບານ ສະຖາບນພະລງງານທດແທນ ແລະ ວດສະດໃໝ
5.ໜວຍຊາວໜມຮາກຖານ 6.ໜວຍຊາວໜມຮາກຖານ
Pin It

Latest News