ໜ້າທຳອິດ ຂ່າວສານຂ່າວ ກອງປະຊຸມ-ສຳມະນາ ພິທີເປີດຊຸດຝຶກອົບຮົມພາຍໃຕ້ຫົວຂໍ້“ການສາທິດ ແລະ ນຳໃຊ້ພະລັງງານທົດແທນ ຈີນ-ອາຊຽນ”ໃນຮູບແບບລະບົບທາງໄກອອນລາຍ ໃນວັນທີ 10-30ຕຸລາ 2021 ທີ່ສະຖາບັນພະລັງງານທົດແທນ ແລະ ວັດສະດຸໃໝ່

ພິທີເປີດຊຸດຝຶກອົບຮົມພາຍໃຕ້ຫົວຂໍ້“ການສາທິດ ແລະ ນຳໃຊ້ພະລັງງານທົດແທນ ຈີນ-ອາຊຽນ”ໃນຮູບແບບລະບົບທາງໄກອອນລາຍ ໃນວັນທີ 10-30ຕຸລາ 2021 ທີ່ສະຖາບັນພະລັງງານທົດແທນ ແລະ ວັດສະດຸໃໝ່

ໂດຍ phonethip PHONTHONGSY
7 ເບີ່ງ

          ໃນ​ຕອນ​ເຊົ້າ​ຂອງ​ວັນ​ທີ 11 ຕຸລາ 2021, ຢູ່​ທີ່​ຫ້ອງ​ປະຊຸມຊັ້ນ1 ກະຊວງ​ພະລັງງານ ​ແລະ ບໍ່​ແຮ່, ສະ​ຖາ​ບັນ​ພະລັງງທົດ​ແທນ ​ແລະ ວັດ​ສະດຸ​ໃໝ່, ກະຊວງ​ພະລັງງານ ​ແລະ ບໍ່​ແຮ່, ​ສປປ ລາວ ​ແລະ ມະຫາວິທະຍາໄລສ້າງຄູຢຸນນານ, ສປ ຈີນໄດ້​​ຈັດພິທີເປີດຊຸດຝຶກອົບຮົມພາຍໃຕ້ຫົວຂໍ້ການສາທິດ ແລະ ນຳໃຊ້ພະລັງງານທົດແທນ ຈີນອາຊຽນໃນຮູບແບບລະບົບທາງໄກອອນລາຍ ໃນວັນທີ 1030ຕຸລາ 2021 ທີ່ສະຖາບັນພະລັງງານທົດແທນ​ ​ແລະ ວັດສະດຸໃໝ່.

​          ໂດຍການເປັນປະທານຂອງທ່ານ ປອ ສີ​ນາວາ ສຸ​ພາ​ນຸ​ວົງ, ຮອງ​ລັດ​ຖະ​ມົນ​ຕີ ກະ​ຊວງ​ພະ​ລັງ​ງານ​ ແລະ ບໍ່​ແຮ່, ມີບັນດາຫົວໜ້າສະຖາບັນ, ຮອງຫົວໜ້າກົມ, ຮອງຫົວຫ້ອງການ, ບັນດາຄະນະຈາກມະຫາວິທະຍາໄລສ້າງຄູຢູນນາມ, ສປ ຈີນແລະ ນັກສຳມະນາກອນທັງພາຍໃນແລະ ຕ່າງປະເທດເຂົ້າຮ່ວມ

 

​         ໃນໂອກາດນີ້ທ່ານນາງໄມຕີ ວົງຄຳຊາວ, ຫົວໜ້າສະຖາບັນພະລັງງານທົດແທນ ແລະ ວັດສະດຸໃໝ່ຍັງໄດ້ລາຍງານກ່ຽວກັບໂຄງການຮ່ວມມືດັ່ງກ່າວ, ສະຖາບັນພະລັງງານທົດແທນ ແລະ ວັດສະດຸໃໝ່ ໄດ້ເຊັນສັນຍາຮ່ວມມືກັບມະຫາວິທະຍາໄລສ້າງຄູຢຸນນານ, ສປ ຈີນ ວ່າ​ດ້​ວຍ​ການ​ຮ່ວມ​ມຶ​ກັນສ້າງ​ຫ້ອງ​ທົດ​ລອງ​ໃນ​ການ​ພັດທະນາ ​ແລະ ນຳ​ໃຊ້ພະລັງງານ​ທົດ​ແທນ​ ລາວ-​ຈີນໃນ​ໄລ​ຍະ​ທີ່ I ຊື່ງໄດ້ເຊັນບົດບັນທຶກຄວາມເຂົ້າໃຈໃນວັນທີ 03 ກັນຍາ 2013 ທີ່ນານໜິງສປຈີນ, ໂຄງການດັ່ງກ່າວແມ່ນໂຄງການຊ່ວຍເຫຼືອລ້າໂດຍແມ່ນງົບປະມານຂອງກະຊວງວິທະຍາສາດ ແລະ ເຕັກໂນໂລຊີ ສປ ຈີນ, ໃນນີ້ການຈັດຕັ້ງປະຕິບັດໂຄງການໄລຍະທີ I ແມ່ນທາງຝ່າຍລາວໄດ້​ສຳ​ເລັດ​ການກໍ່​ສ້າງອາຄານຫ້ອງທົດລອງ ແລະ ໄດ້ຕິດຕັ້ງອຸປະກອນເຄື່ອງ​ທົດ​ລອງ, ໄດ້​ຕິດ​ຕັ້ງ​ລະ​ບົບສາທິດການນຳໃຊ້ພະລັງງານທົດແທນ ​ລວມມີລະບົບໄຟເຍືອງທາງພະລັງງານແສງຕາເວັນ, ລະບົບນໍ້າຮ້ອນພະລັງງານແສງຕາເວັນ, ລະບົບປ້ຳ​ນ້ຳພະລັງງານແສງຕາເວັນ ແລະ ລະບົບພະລັງງານແກັສ໌ຊີວະພາບ.ໃນໄລ​ຍະ​ທີ່ຜ່ານມາໄດ້​ສຳເລັດການຈັດຝຶກອົບຮົມສາກົນ ຢູ່ ສປປ ລາວ ໃນປີ 2017 ພາຍ​ໃຕ້​ຫົວ​ຂໍ້ “ການນຳໃຊ້ເຕັກໂນໂລຊີພະລັງງານທົດແທນ” ໃນລະຫວ່າງວັນທີ 25 ກໍລະກົດ – 12 ສິງຫາ 2017, ທີ່ໂຮງແຮມນິວໂຣສ, ນະຄອນຫຼວງວຽງຈັນ. ຈາກ​ໝາກ​ຜົນ​ສຳ​ເລັດ​ຂອງໂຄງ​ການ​ຮ່ວມ​ມືໃນ​ໄລ​ຍະ​ທີ່ I ແລະ ເພື່ອ​ເປັນ​ການ​ສຶບ​ຕໍ່ການຄົ້ນຄວ້ານຳໃຊ້ ແລະ​ ເຜີຍແຜ່ໝາກຜົນການຄົ້ນຄວ້າອອກສູ່ສັງຄົມໃຫ້ຫຼາຍເທົ່າທີ່ຈະຫຼາຍໄດ້ຈື່ງ​ໄດ້ສືບຕໍ່ເຊັນ​ສັນ​ຍາຮ່ວມມື ໃນໄລຍະທີ II ໃນ​ວັນ​ທີ 9 ມັງ​ກອນ 2018, ໂດຍ​ມີຈຸດ​ປະ​ສົງ​ເພື່ອ​ຮ່​ວມ​ກັນ​ຄົ້ນ​ຄວ້າແລະນຳ​ໃຊ້​, ຕິດ​ຕາມ, ປະ​ເມີນ​ຜົນ​ການ​ນຳ​ໃຊ້​ລະ​ບົບ​ພະ​ລັງ​ງານ​ທົດ​ແທນທີ່​ໄດ້​ຕິດ​ຕັ້ງ​ຕາມ​ຈຸດ​ສາ​ທິດ​ຕ່າງ​ຕ່າງ, ການ​ຈັດ​ຝືກ​ອົບ​ຮົມ​ສາ​ກົນກໍ່​ເປັນ​ໜື່ງ​ໃນ​ກິດ​ຈ​ະ​ກຳທີ່ນອນ​ໃນ​ແຜນ​ການ​ຮ່ວມ​ມືໃນ​ໄລ​ຍະ​ທີ່ II​. ສະ​ນັ້ນ, ເພື່ອ​ໃຫ້​ແຜນ​ກິດ​ຈະ​ກຳ​ການ​ຮ່ວມ​ມື​ໃນ​ໄລ​ຍະ IIສຳລັບບັ້ນຝຶກອົບຮົມນາໆ​ຊາດໃນຫົວຂໍ້“ການສາທິດ ແລະ ນຳໃຊ້ພະລັງງານທົດແທນ ຈີນອາຊຽນ”ໃນຄັ້ງນີ້ ເປັນການສຶບຕໍ່ການຮ່ວມມືລະຫວ່າງສະຖາບັນພະລັງງານທົດແທນແລະ ວັດສະດຸໃໝ່ ແລະ ສະຖາບັນຄົ້ນຄວ້າພະລັງງານແສງຕາເວັນ, ມະຫາວິທະຍາໄລສ້າງຄູຢູນານຂອງ ສປ ຈີນ. ການຝຶກອົບຮົມຈະໄດ້ດຳເນີນໃນລະຫວ່າງວັນທີ 11-30 ຕຸ​ລາ 2021​  ເຊິ່ງຜູ້ເຂົ້າຮ່ວມຝຶກອົບຮົມ​ໃນ​ຄັ້ງ​ນີ້​ມີທັງໝົດ 30 ທ່ານ, ສປປລາວ 25 ທ່ານ, ຈາກ​ຕ່າງປະເທດຈຳນວນ 05 ທ່ານ ຊຶ່ງປະກອບມີ ປະເທດໄທ, ຫວຽດນາມ, ກຳປູ​ເຈຍ ​ແລະ ອີນ​ໂດ​ເນ​ເຊຍ.

 

        ຈຸດປະສົງຂອງ​ການ​ຝຶກ​ອົບຮົມ​ໃນ​ຄັ້ງ​ນີ້ແມ່ນ ເພື່ອ​ສ້າງຄວາມຮູ້ຄວາມສາມາດໃຫ້ນັກວິຊາການ ​ແລະ ນັກ​ຄົ້ນຄວ້າທີ່ເຮັດວຽກກ່ຽວກັບຂົງ​ເຂດການ​ຄົ້ນ​ຄວ້າແລະນຳ​ໃຊ້ພະລັງງານທົດແທນ​​ ແລະ ເປັນການສ້າງເຄື່ອຂ່າຍການຮ່ວມມືໃນການ​ພັດທະນາ​ພະລັງງານ​ທົດ​ແທນ​ ໃນຕໍ່ໜ້າລະ​ຫວ່າງ​ບັນດາປະ​ເທດ​ທີ່​ເຂົ້າ​ຮ່ວມດ້ວຍ​ກັນ.

ຂ່າວທີ່ກ່ຽວຂ້ອງ

error: ເນື້ອໃນ ຢູ່ເວັບໄຊນີ້ຖືກປ້ອງກັນ !! Content is protected !!