ໜ້າທຳອິດ ຂ່າວສານຂ່າວ ການເຄື່ອນໄຫວ ສພວ ເຜີຍ ແຜ່ເອກະສານ ກ່ຽວກັບ ວັນສ້າງຕັ້ງພັກກອມມູນນິດຈີນ ຄົບຮອບ 100 ປີ ( 01/07/1921-01/07/2021 ) ແລະ ສະເຫຼີມສະຫຼອງວັນລັດຖະທໍາມະນູນແຫ່ງຊາດ ຄົບຮອບ 30 ປີ (15 ສິງຫາ 1991-15 ສິງຫາ 2021).

ເຜີຍ ແຜ່ເອກະສານ ກ່ຽວກັບ ວັນສ້າງຕັ້ງພັກກອມມູນນິດຈີນ ຄົບຮອບ 100 ປີ ( 01/07/1921-01/07/2021 ) ແລະ ສະເຫຼີມສະຫຼອງວັນລັດຖະທໍາມະນູນແຫ່ງຊາດ ຄົບຮອບ 30 ປີ (15 ສິງຫາ 1991-15 ສິງຫາ 2021).

ໂດຍ phonethip PHONTHONGSY
6 ເບີ່ງ

ໃນ​ຕອນ​ເຊົ້າ​ວັນທີ 26 ສິງຫາ 2021 ທີ່​ຜ່ານມາ​ນີ້, ຢູ່​ຫ້ອງ​ປະຊຸມ ສະ​ຖາ​ບັນ​ພະລັງງານທົດ​ແທນ ​ແລະ ວັດ​ສະດຸ​ໃໝ່, ກະຊວງພະລັງງານ ​ແລະ ບໍ່​ແຮ່ ໄດ້ຈັດຕັ້ງເຜີຍ ແຜ່ເອກະສານ ກ່ຽວກັບ ວັນສ້າງຕັ້ງພັກກອມມູນນິດຈີນ ຄົບຮອບ 100 ປີ ( 01/07/1921-01/07/2021 ) ແລະ ສະເຫຼີມສະຫຼອງວັນລັດຖະທໍາມະນູນແຫ່ງຊາດ ຄົບຮອບ 30 ປີ (15 ສິງຫາ 1991-15 ສິງຫາ 2021).

         ພາຍ​ໃຕ້​ການ​ເປັນ​ປະທານ ຂອງ​ສະຫາຍ ນາງ ​ໄມຕີ ວົງ​ຄຳ​ຊາວ, ​ເລຂາໜ່ວຍພັກ, ຫົວໜ້າສະ​ຖາ​ບັນ​ພະລັງງານທົດ​ແທນ ​ແລະ ວັດ​ສະດຸ​ໃໝ່, ມີ​ບັນດາ​ຄະນະ​ສະ​ຖາ​ບັນ, ຄະນະ​ພະ​ແນ​ກ ​ແລະ ພະນັກງາ​ນວິຊາ​ການ​ພາຍ​ໃນ​ສະ​ຖາ​ບັນເຂົ້າ​ຮ່ວມ.

        ສະຫາຍ ສະຫາຍ ນາງ ​ໄມຕີ ວົງ​ຄຳ​ຊາວ ໄດ້ຍົກໃຫ້ເຫັນເຖີງມູນເຊື້ອ ແລະ ວິລະກໍາອັນສະຫງ່າອົງອາດ ຂອງພັກກອມມູນິດຈີນ ໃນການຊີ້ນໍາ-ນໍາພາປະຊາ ຊົນຈີນບູລະນະສ້າງສາລະບອບສັງຄົມນິຍົມທີ່ມີສີສັນອັນພິເສດຂອງຈີນ, ຍຶດໝັ້ນອຸດົມການສັງຄົມນິຍົມ, ຖືຜົນປະໂຫຍດຂອງປະຊາຊົນເປັນໃຈກາງ, ມີແນວຄິດປະດິດສ້າງໃໝ່ທາງດ້ານທິດສະດີ ແລະ ພຶດຕິກໍາຕົວຈິງ ທີ່ສອດຄ່ອງກັບຍຸກສະໄໝ ອັນເປັນການໄຂສັງກາດໃໝ່ ແຫ່ງການພັດທະນາຂອງ ສປ ຈີນ ຕາມເສັ້ນທາງສັງຄົມນິຍົມ ທີ່ສາມາດສໍາເລັດພາລະກິດອັນຍິ່ງໃຫຍ່ຂອງພັກ, ຂອງຊາດ ແລະ ສາມາດປະກາດຄວາມເປັນເອກະລາດ ແລະ  ສະຖາປະນາເປັນປະເທດສາທາລະນະລັດປະຊາຊົນຈີນ ໃນວັນທີ 01 ຕຸລາ 1949 ໄດ້ຢ່າງສະຫງ່າຜ່າເຜີຍ ພາຍໃຕ້ການຊີ້ນໍານໍາພາ ຂອງພັກກອມມູນິດຈີນ. ໃນຕະຫຼອດໄລຍະ 100 ປີທີ່ຜ່ານມາພັກກອມມູນິດຈີນ ໄດ້ຍົກສູງຄວາມຮັບຜິດຊອບທາງດ້ານການເມືອງຕໍ່ພາລະກິດປະຫວັດສາດຂອງຈີນ, ດໍາເນີນການປະຕິຮູບ ແລະ ເປີດປະຕູສູ່ພາຍນອກ.

        ສະຫາຍ ນາງ ​ໄມຕີ ວົງ​ຄຳ​ຊາວ ​ຍັງ​ໄດ້ເຜີຍແຜ່ ເອກະສານສະເຫຼີມສະຫຼອງວັນລັດຖະທໍາມະນູນແຫ່ງຊາດ ຄົບຮອບ 30 ປີ  (15 ສິງຫາ 1991-15 ສິງຫາ 2021) ເພື່ອສ້າງ​ຄວາມ​ຮັບ​ຮູ້ ແລະ ສ້າງ​ຄວາມ​ເຂົ້າ​ໃຈ​ໃຫ້ແກ່​ພະ​ນັກ​ງານນຳພາ, ຄຸ້ມຄອງ ແລະ ວຽກ​ງານ​ການ​ເມືອງ​ແນວ​ຄິດ, ວຽກ​ງານ​ວັດ​ທະ​ນະ​ທຳ​ໃນ​ໄລ​ຍ​ະ​ໃໝ່ ແລະ ຮັບ​ຮູ້​ເຂົ້າ​ໃຈ​ກ່ຽວ​ກັບ​ຄວາມ​ໝາຍ​ຄວາມ​ສຳ​ຄັນ ຂອງວັນ​ລັດ​ຖະ​ທຳມະນູນແຫ່ງ ສປປ ລາວ ແລະ ຜົນສຳເລັດຕະຫຼອດໄລຍະ 30 ປີຜ່ານມາ.

 

ຂ່າວທີ່ກ່ຽວຂ້ອງ

error: ເນື້ອໃນ ຢູ່ເວັບໄຊນີ້ຖືກປ້ອງກັນ !! Content is protected !!