ໜ້າທຳອິດ ຂ່າວສານຂ່າວ ການເຄື່ອນໄຫວ ສພວ ລົງຕິດຕາມ, ສ້ອມແປງ ແລະ ມອບໜັງສືມອບ-ຮັບ ລະບົບນ້ຳຮ້ອນພະລັງງານແສງຕາເວັນ

ລົງຕິດຕາມ, ສ້ອມແປງ ແລະ ມອບໜັງສືມອບ-ຮັບ ລະບົບນ້ຳຮ້ອນພະລັງງານແສງຕາເວັນ

ໂດຍ phonethip PHONTHONGSY
28 ເບີ່ງ

ໃນລະຫວ່າງວັນທີ 15-16 ສິງຫາ 2021 ທີ່ຜ່ານມານີ້, ທ່ານ ວິໄລທອງ ແອມີໄຊ ຮອງຫົວໜ້າພະແນກພະລັງງານທາງເລືອກ, ສະຖາບັນພະລັງງານທົດແທນ ແລະ ວັດສະດຸໃໝ່ (ສພວ), ກະຊວງພະລັງງານແລະ ບໍ່ແຮ່ ​ໄດ້ລົງຕິດຕາມ, ກວດກາ ແລະ ສ້ອມແປງ ລະບົບນ້ຳຮ້ອນພະລັງງານແສງຕາເວັນຂະໜາດ 860 ລິດ ຢູ່ໂຮງຮຽນສາມັນກິນນອນຊົນເຜົ່າອຸດົມໄຊ ສ່ວນທີ່ເຫັນວ່າມີການເປ່ເພເສຍຫາຍນັ້ນ​ແມ່ນ​ໄດ້​ສ້ອມ​ແປງ ແລະ ກວດເຊັກຄືນ​ແລ້ວ, ​ເຫັນວ່າລະບົບດັ່ງກ່າວ​ແມ່ນສາມ​ມາດ​ກັບ​ໃຊ້​ຄື​ນ​ເປັນ​ປົກກະຕິ ​ແລະ ສາມາດຕອບສະໜອງຕາມຄວາມຕ້ອງການຂອງໂຮງຮຽນ ແລະ ເປັນທີ່ເພິ່ງພໍໃຈ ເປັນຕົ້ນແມ່ນນັກຮຽນມີນ້ຳອຸ່ນໄວ້ອາບໃນຍາມໜາວ ເນື່ອງຈາກວ່າແຂວງອຸດົມໄຊເປັນແຂວງໜື່ງທາງພາກເໜືອທີ່ມີອາກາດໜາວເຢັນຫຼາຍໃນຊ່ວງຍາມໜາວ ​ແລະ ຍັງສາມາດນຳໃຊ້ເຂົ້າໃນເຮືອນຄົວຂອງໂຮງຮຽນເພື່ອເອົານ້ຳຮ້ອນຈາກລະບົບມາຫຼຸດຜ່ອນໄລຍະເວລາໃນການນຳໃຊ້ແກັດ ເພື່ອຕົ້ມນ້ຳໃຫ້ຮ້ອນສຳລັບໜື່ງເຂົ້າໃຫ້ນັກຮຽນ.

          ພ້ອມ​ດຽວກັນນັ້ນ, ຍັງໄດ້ມີການມອບໜັງສືມອບ-ຮັບ ລະບົບນຳ້ຮ້ອນພະລັງງານແສງຕາເວັນ ໃຫ້ໂຮງຮຽນສາມັນກິນນອນຊົນເຜົ່າອຸດົມໄຊຮັບຜິດຊອບ, ຄຸ້ມຄອງ, ນຳໃຊ້ ​ແລະ ປົກປັກຮັກສາ ​ເພື່ອເປັນຊັບສົມບັດຂອງໂຮງຮຽນຕໍ່ໄປ.

ຂ່າວທີ່ກ່ຽວຂ້ອງ

error: ເນື້ອໃນ ຢູ່ເວັບໄຊນີ້ຖືກປ້ອງກັນ !! Content is protected !!