ໜ້າທຳອິດ ຂ່າວສານ ກອງປະຊຸມປຶກສາຫາລື ໂດຍຜ່ານລະບົບປະຊຸມທາງໄກ (Video Conference) ດ້ວຍ Zoom Application. ເພື່ອກະກຽມຈັດກອງ ປະຊຸມຝຶກອົບຮົມ ກ່ຽວກັບ ການສາທິດການນຳໃຊ້ພະລັງງານທົດແທນ

ກອງປະຊຸມປຶກສາຫາລື ໂດຍຜ່ານລະບົບປະຊຸມທາງໄກ (Video Conference) ດ້ວຍ Zoom Application. ເພື່ອກະກຽມຈັດກອງ ປະຊຸມຝຶກອົບຮົມ ກ່ຽວກັບ ການສາທິດການນຳໃຊ້ພະລັງງານທົດແທນ

ໂດຍ phonethip PHONTHONGSY
15 ເບີ່ງ
ໃນຕອນເຊົ້າ ວັນທີ 02 ມີຖຸນາ 2021 ທີ່ຜ່ານມານີ້, ຢູ່ທີ່ຫ້ອງປະຊຸມ ສະຖາບັນພະລັງງານທົດແທນ ແລະ ວັດສະດຸໃໝ່(ສພວ), ກະຊວງພະລັງງານ ແລະ ບໍ່ແຮ, ສປປ ລາວ ແລະ ມະຫາວິທະຍາໄລສ້າງຄູຢຸນນານ, ສປ ຈີນ ໄດ້ຈັດກອງປະຊຸມປຶກສາຫາລື ໂດຍຜ່ານລະບົບປະຊຸມທາງໄກ (Video Conference) ດ້ວຍ Zoom Application. ເພື່ອກະກຽມຈັດກອງ ປະຊຸມຝຶກອົບຮົມ ກ່ຽວກັບ ການສາທິດການນຳໃຊ້ພະລັງງານທົດ ແທນຈີນ-ອາຊຽນ, ອຸປະກອນສາທິດທົດລອງ ແລະ ເອກະສານບົດຮຽນຕ່າງໆທີ່ຈະໃຊ້ໃນການຝຶກອົບຮົມ, ສະຖານທີ່ ແລະ ບຸກ ຄະລາກອນໃນການຈັດກອງປະຊຸມຝຶກອົບຮົມ ແລະ ຄວາມຄືບໜ້າຂອງການສ້າງຫ້ອງສວນສາທິດທົດລອງນຳໃຊ້ດ້ານພະລັງງານທົດແທນລາວ-ຈີນ.
ໃຫ້ກຽດເປັນປະທານກອງປະຊຸມຝ່າຍລາວແມ່ນ ທ່ານ ນາງ ໄມຕີ ວົງຄຳຊາວ, ຫົວໜ້າສະຖາບັນພະລັງງານທົດແທນ ແລະ ວັດສະດຸໃໝ່ ແລະ ຝ່າຍຈີນ ແມ່ນທ່ານ ສດຈ ດຣ ຫຼີໝິງ, ຫົວໜ້າຫ້ອງການວິທະຍາສາດ ແລະ ເຕັກໂນໂລຊີ, ມະຫາວິທະຍາໄລສ້າງຄູຢຸນນານ, ສປ ຈີນ ໂດຍມີຮອງຫົວໜ້າສະຖາບັນ, ຫົວໜ້າພະແນກ ແລະ ຮອງພະແນກ ພ້ອມດ້ວຍພະນັກງານທີ່ກ່ຽວຂ້ອງເຂົ້າຮ່ວມກອງປະຊຸມ.

ຂ່າວທີ່ກ່ຽວຂ້ອງ

error: ເນື້ອໃນ ຢູ່ເວັບໄຊນີ້ຖືກປ້ອງກັນ !! Content is protected !!