ໜ້າທຳອິດ ຂ່າວສານຂ່າວ ການເຄື່ອນໄຫວ ອົງການຈັດຕັ້ງ ມະຫາຊົນ ກອງປະຊຸມສະຫຼຸບການເຄື່ອນໄຫວວຽກງານຂອງໜ່ວຍຊາວໜຸ່ມຮາກຖານ ສພວ.

ກອງປະຊຸມສະຫຼຸບການເຄື່ອນໄຫວວຽກງານຂອງໜ່ວຍຊາວໜຸ່ມຮາກຖານ ສພວ.

ໂດຍ vilaythong AIRMIXAY
47 ເບີ່ງ

ໃນຕອນບ່າຍ ວັນທີ 17 ມີນາ 2021 ທີ່ຜ່ານມາ ໜ່ວຍຊາວໜຸ່ມຮາກຖານ ສະຖາບັນພະລັງງານທົດແທນ ແລະ ວັດສະໃໝ່, ກະຊວງວິທະຍາສາດ ແລະ ເຕັກໂນໂລຊີ ໄດ້ ຈັດກອງປະຊຸມສະຫຼຸບການຈັດຕັ້ງປະຕິບັດວຽກງານໃນໄລຍະຜ່ານມາ. ເປັນປະທານກອງປະຊຸມໂດຍ ສະຫາຍ  ວິໄລທອງ ແອມີໄຊ, ເລຂາຊາວໜຸ່ມຮາກຖານ ສະຖາ ບັນພະ ລັງງານທົດແທນ ແລະ ວັດສະໃໝ່. ສະຫາຍເລຂາໄດ້ສະຫຼຸບຫຍໍ້ ແລະ ຕີລາຄາໃນການປະຕິບັດວຽກງານໃນໄລຍະຜ່ານມາ ແມ່ນມີຜົນງານ ແລະ ວຽກງານ ທີ່ພົ້ນເດັ່ນຫຼາຍ ດ້ານ ເຊັ່ນ: ການເຂົ້າຮ່ວມຂະບວນການມອບເຄື່ອງຊ່ວຍເຫຼືອ, ຂະບວນຄາລະວານພາກເໜືອ ແລະ ພາກໃຕ້, ຮ່ວມກອງປະຊຸມສຳມະນາຕ່າງໆ. ຜົນງານທີ່ພົ້ນເດັ່ນ ກວ່າໝູ່ ແມ່ນການລະດົມເຄື່ອງນຸ່ມຮົ່ມ, ອຸປະກອນການຮຽນ ແລະ ກິລາ ເພື່ອໄປຊ່ວຍເຫຼືອໂຮງຮຽນສາມັນກິນນອນຊົນເຜົ່າອຸດົມໄຊ, ແຂວງອຸດົມ. ນອກນັ້ນ, ກອງປະ ຊຸມ ຍັງໄດ້ ສະເໜີແຜນການເຄື່ອນໄຫວວຽກງານຂອງໜ່ວຍຊາວໜຸ່ມຮາກຖານ ສພວ ໃນຕໍ່ໜ້າ ເພື່ອສາມາດຍາດໄດ້ຜົນງານດີເດັ່ນຂອງໜ່ວຍ ແລະ  ໄດ້ມອບໃບກຽດຕິຄຸນໃຫ້ແກ່ ບຸກຄົນ, ບໍລິສັດ ແລະ ຫ້າງຮ້ານທີ່ມີຜົນງານດີເດັ່ນໃນການປະກອບສ່ວນຊຸກຍູ້ ເຄື່ອງອຸປະກອນ ການຮຽນ, ເຄື່ອງນຸ່ງຫົ່ມ ແລະ ວັດຖຸປັດໃຈຈໍານວນໜຶ່ງໃນການໄປມອບ ເຄື່ອງໃຫ້ແກ່ໂຮງຮຽນສາມັນກິນນອນຊົນເຜົ່າອຸດົມໄຊ ແຂວງ ອຸດົມໄຊ ທີ່ຜ່ານມາ.

ຂ່າວທີ່ກ່ຽວຂ້ອງ

error: ເນື້ອໃນ ຢູ່ເວັບໄຊນີ້ຖືກປ້ອງກັນ !! Content is protected !!