ໜ້າທຳອິດ ຂ່າວສານຂ່າວ ກອງປະຊຸມ-ສຳມະນາ ກອງປະຊຸມປຶກສາຫາລື ແລະ ແກ້ໄຂຂໍ້ຫຍຸ້ງຍາກດ້ານຕ່າງໆໃນການຮ່ຳຮຽນ, ເຮັດທົດລອງ ແລະ ການຂຽນບົດຊັ້ນ

ກອງປະຊຸມປຶກສາຫາລື ແລະ ແກ້ໄຂຂໍ້ຫຍຸ້ງຍາກດ້ານຕ່າງໆໃນການຮ່ຳຮຽນ, ເຮັດທົດລອງ ແລະ ການຂຽນບົດຊັ້ນ

ໂດຍ phonethip PHONTHONGSY
31 ເບີ່ງ

ໃນຕອນ​ເຊົ້າ ວັນທີ 3 ມີນາ 2021 ທີ່​ຜ່ານ​ມານີ້, ສະຖາບັນພະລັງງານທົດແທນ ແລະ ວັດສະດຸໃໝ່, ກະຊວງ​ວິທະຍາສາດ ​ແລະ ​ເຕັກ​ໂນ​ໂລ​ຊີ ສປປ ລາວ ແລະ ມະຫາວິທະຍາໄລສ້າງຄູຢຸນນານ, ສປ ຈີນ ໄດ້ຈັດກອງປະຊຸມປຶກສາ​ຫາລື ​ແລະ ​ແກ້​ໄຂ​ຂໍ້​ຫຍຸ້ງຍາກ​ດ້ານ​ຕ່າງໆ​ໃນ​ການ​ຮ່ຳຮຽນ, ​ເຮັດ​ທົດ​ລອງ​ ​ແລະ​​ ການ​ຂຽນບົດ​ຊັ້ນ, ພ້ອມ​ດຽວກັນ​ນັ້ນ​ຍັງ​ໄດ້ລາຍ​ງານ​ສະພາບ​ການ​ຮ່ຳຮຽນຂອງ​ອ້າຍ​ນ້ອງ​ພະນັກງານ​ແຕ່ລະຄົນ​ພາຍ​ໃນ​ສະ​ຖາ​ບັນ​ທີ່​ກຳລັງ​ສຶກສາ​ປະລິນຍາ​ໂທ ​ແລະ ປະລິນຍາ​ເອກ ຢູ່ມະຫາວິທະຍາ​ໄລ​ສ້າງ​ຄູ​ຢຸນນານ, ສປ ຈີນ. ຜ່ານລະບົບອອນ​ລາຍ ທາງ​ໄກ (Zoom Application).

ໃຫ້ກຽດເປັນປະທານກອງປະຊຸມຝ່າຍລາວແມ່ນ ທ່ານ ນາງ ໄມຕີ ວົງຄຳຊາວ, ຫົວໜ້າສະຖາບັນພະລັງງານທົດແທນ ແລະ ວັດສະດຸໃໝ່ ແລະ ຝ່າຍຈີນ ແມ່ນທ່ານ ສດຈ ດຣ ຫຼີໝິງ, ຫົວໜ້າຫ້ອງການ​ວິທະຍາສາດ ​ແລະ ​ເຕັກ​​ໂນໂລ​​ຊີ, ມະຫາວິທະຍາໄລສ້າງຄູຢຸນນານ, ສປ ຈີນ ໂດຍມີຮອງ​ຫົວໜ້າສະ​ຖາ​ບັນ​, ຫົວໜ້າພະແນກ ​ແລະ ຮອງພະແນກ ພ້ອມ​ດ້ວຍ​ພະນັກງານທີ່ກ່ຽວຂ້ອງເຂົ້າຮ່ວມກອງປະຊຸມ.

               ​​ໂອກາດ​ດຽວກັນ​ນັ້ນ, ທ່ານ ນາງ ໄມຕີ ວົງຄຳຊາວ, ຫົວໜ້າສະຖາບັນພະລັງງານທົດແທນ ແລະ ວັດສະດຸໃໝ່ ຍັງ​ໄດ້ຮຽກຮ້ອງ​ໃຫ້​ອ້າຍ​ນ້ອງ​ພະນັກງານ​ເອົາ​ໃຈ​ໃສ່​ໃນ​ການ​ຮ່ຳຮຽນຜ່ານ​ລະບົບ​ອອນ​ລາຍ ​ແລະ ຕິດ​ຕໍ່​ປະສານ​ງານ​ກັບ​ອາຈານ​ທີ່​ປຶກສາ​ເປັນ​ປະຈຳ ​ເພື່ອ​ໃຫ້ການ​ຂຽນບົດຈົບ​ຊັ້ນ​ມີ​ປະສິດທິພາບ ​ແລະ ຈົບ​ການ​ສຶກສາ​ໃຫ້​ທັນຕາ​ມ​ເວລາ.

 

ຂ່າວທີ່ກ່ຽວຂ້ອງ

error: ເນື້ອໃນ ຢູ່ເວັບໄຊນີ້ຖືກປ້ອງກັນ !! Content is protected !!