ໜ້າທຳອິດ ຂ່າວສານຂ່າວ ກອງປະຊຸມ-ສຳມະນາ ກອງປະຊຸມປຶກສາຫາລືຄວາມຄືບໜ້າໂຄງການສ້າງຫ້ອງທົດລອງເພື່ອການນຳໃຊ້ ແລະ ພັດທະນາດ້ານພະ ລັງງານທົດແທນ ລາວ-ຈີນ ໄລຍະ II

ກອງປະຊຸມປຶກສາຫາລືຄວາມຄືບໜ້າໂຄງການສ້າງຫ້ອງທົດລອງເພື່ອການນຳໃຊ້ ແລະ ພັດທະນາດ້ານພະ ລັງງານທົດແທນ ລາວ-ຈີນ ໄລຍະ II

ໂດຍ phonethip PHONTHONGSY
65 ເບີ່ງ

ໃນຕອນ​ເຊົ້າ ວັນທີ 29 ມັງກອນ 2021 ທີ່​ຜ່ານ​ມາ, ສະຖາບັນພະລັງງານທົດແທນ ແລະ ວັດສະດຸໃໝ່, ກະຊວງ​ວິທະຍາສາດ ​ແລະ ​ເຕັກ​ໂນ​ໂລ​ຊີ ສປປ ລາວ ແລະ ມະຫາວິທະຍາໄລສ້າງຄູຢຸນນານ, ສປ ຈີນ ໄດ້ຈັດກອງປະຊຸມ​ປຶກສາ​ຫາລືຄວາມ​ຄືບໜ້າ​​ໂຄງການ​ສ້າງ​ຫ້ອງ​ທົດ​ລອງ​​ເພື່ອການ​ນຳ​ໃຊ້ ​ແລະ ພັດທະນາ​ດ້ານ​ພະ ລັງງານ​ທົດ​ແທນ ລາວ-​ຈີນ ​ໄລຍະ II, ຜ່ານລະບົບອອນ​ລາຍ ທາງ​ໄກ (Zoom Application) ເພື່ອຫຼີກລ້ຽງການແຜ່ລະບາດຂອງເຊື້ອພະຍາດ COVID-19.

ໃຫ້ກຽດເປັນປະທານກອງປະຊຸມຝ່າຍລາວແມ່ນທ່ານ ນາງ ໄມຕີ ວົງຄຳຊາວ, ຫົວໜ້າສະຖາບັນພະລັງງານທົດແທນ ແລະ ວັດສະດຸໃໝ່ ແລະ ຝ່າຍຈີນ ແມ່ນທ່ານ ສດຈ ດຣ ຫຼີໝິງ, ຫົວໜ້າຫ້ອງການ​ວິທະຍາສາດ ​ແລະ ​ເຕັກ​​ໂນໂລ​​ຊີ, ມະຫາວິທະຍາໄລສ້າງຄູຢຸນນານ, ສປ ຈີນ ໂດຍມີຮອງ​ຫົວໜ້າສະ​ຖາ​ບັນ​, ຫົວໜ້າພະແນກ ​ແລະ ຮອງພະແນກ ທີ່ກ່ຽວຂ້ອງເຂົ້າຮ່ວມກອງປະຊຸມ.

ຈຸດປະສົງຂອງກອງປະຊຸມເພື່ອແລກປ່ຽນແນວຄວາມຄິດໃນການຈັດຕັ້ງປະຕິບັດວຽກງານໃນຕໍ່ໜ້າ, ວາງແຜນວຽກງານໃນແຕ່ລະຂັ້ນຕອນ ​ໃນການປະຕິບັດວຽກງານການຮ່ວມມືດ້ານຕ່າງໆ ເຊີ່ງທັງສອງຝ່າຍໄດ້ຕົກລົງເອກະພາບກັນໃນຫຼາຍດ້ານຄື:

– ລາຍ​ງານ​ຄວາມ​ຄືບໜ້າໂຄງການ​ຮ່ວມ​ມື​ລາວ-​ຈີນ ດ້ານ​ການ​ນຳ​ໃຊ້​ພະລັງງານ​ທົດ​ແທນ.

– ປືກສາ​ຫາລືກ່ຽວກັບ​​ໂຄງການ​ສາທິດ ​ແລະ ຄັດ​ເລືອກ​ສະຖານ​ທີ່​ຕິດ​ຕັ້ງ​ໂຄງການ​ສາທິດ.

– ປືກສາຫາ​ລືການສະໝັກທຶນ​ການ​ສຶກສາ​ຂອງ​ລັດຖະບານ​ຈີນ ​ປະຈຳ​ສົກ​ປີ 2021 ຂອງ​ມະຫາວິທະຍາ​ໄລ​ສ້າງ​ຄູ​ຢູນນານ, ສປ ຈີນ.  

– ປືກສາ​ລືການ​ບຳລຸງ​ຮັກສາ ​ແລະ ສ້ອມ​ແປງ​ເຄື່ອງ​ຫ້ອງ​ທົດ​ລ​ອງລາວ-​ຈີນ.

 

ຂ່າວທີ່ກ່ຽວຂ້ອງ

error: ເນື້ອໃນ ຢູ່ເວັບໄຊນີ້ຖືກປ້ອງກັນ !! Content is protected !!